وجعلنا الله وإياكم من المقبولين في هذا الشهر الكريم ....
في الشهر الكريم كثيراً ما تكثر الزيارات بين الأقارب لمشاركة الفرحة بالشهر الكريم
ومن المعروف عن مجتمعنا كثرة تبادل الإفطار عند الأقارب أو الجيران وهكذا
ولكني من النوع الذي يفضل تناول الإفطار في المنزل مع العائلة
فكثيراً ما تصبح هناك عزيمة هنا والا هنا
وبصراحة تسبب لي الكثير من المتاعب خصوصاً لأن الواحد بيكون صاحي قبل الفطور >> هذا الكلام أيام الدوام
أبدأ يومي بالنوم من الصباح أي بعد صلاة الفجر بساعة أو أكثر
طبعاً بعد الاسترخاء أمام شاشة التلفزيون من بعد الفجر لمشاهدة ما فاتني ليلة البارح من مسلسلات
المهم طبعاً أنا من الناس اللي يتعبون في النوم وذلك لأني ما أشبع نوم مثل خلق ربي
لازم أزيد عن نومهم شوي بس يعني 5 أو 6 ساعات بالكثير
بعد أحس إني شبعت نوم أبدأ في محاولة النهوض من الفراش
أصحى الظهر للصلاة وأرجع أتمدد صلاة العصر
يومي ما يبدأ إلا قبل الفطور بساعة في رمضان غالباً ما أخرج الساعة الخامسة عصراً وذلك لتنفيذ الرغبة الرمضانية في تناول المأكولات الشعبية ولذلك يتم غزو محل المنتو ......
لازم أحارب طول العصر للحصول على كمية بسيطة من المنتو واليغمش والبف ...
ولذلك قصة ظريفة راح أقولها بعدين
المائدة ما تأخذ غير اللي فيها وأنا لي 4 سنوات ما أفطر بدون البف ، والبف هذا أكله لو جربتوها ما راح تفطرون بدونها خصوصاً إنها ثقيلة على المعدة واللي يأكلها يتعرض لنوبات شديدة من الإغماء ....
من بعد الفطور بساعة يقدر الواحد يفكر بيومه
طبعاً الوقت اللي بين المغرب والعشاء ما أقدر أروح ولا أجي يعني لو يتصل علي أي شخص سواء عادي أو غير عادي ما أفكر أرد عليه ، وذلك لتأثير الفطور على الطبقة الدماغية الخاصة في التفكير الحالي ....
أقضي بعد الفطور ساعة ونصف تقريباً مع العائلة الكريمة وذلك لمشاهدة بعض المسلسلات الفكاهية واللي تساعد على الهضم مع الشاي وعند آذان العشاء يبدأ اليوم الحقيقي .
من بعد صلاة العشاء أقضي ما كتب الله لي من التراويح
وإذا ما كان الوالد يحتاجني في شيء أروح للشباب في الاستراحة أو في مكان التجمع المحدد لهذي الليلة
غالباً التجمعات في ليالي رمضان تكون مفعمة بالرياضة
مثال أي استراحة في الغالب ما تخلو من كرة طائرة أو كرة قدم وهو قليل أو بلوت
والبلوت من أنواع الرياضات العقلية >>> تراها رياضة بس قليل اللي يعترفون فيها
وتستمر السهرة وغالباً ما تستمر إلى وقت السحور
هنا طبعاً تبدأ المفاضلة بين سحور البيت أو سحور الاستراحة
وغالباً ما ينتصر سحور الاستراحة
ومن بعد السحور تبدأ عاد القعده لطاش وبيني وبينك اللي تجي قبل آذان الفجر ولما يأذن الفجر ونصلي
أبدأ برحلة العودة للمنزل .....
وأجلس على النت تقريباً ساعة وقد تزيد لساعتين وقت الذروة
واللي يلاحظ منكم إن المسن بعد صلاة الفجر يكثر فيه المتصلين وهنا أوصل لنهاية يومي الرمضاني
العرض العادي
