.. تفاصيلي 5 .. - منتديات أروقه

الإهداءات
الكادي : كــــــــل عام و انتم بخير ومن العايدين و من الفايزين رفـيعـة الـشـان : صباحكم ورد كل عاااااام وأنتم بألف خير اليوم أجواء الرياض غييييير تصدقون أول مره نعيد بالرياض& راح أشوف عيدكم يأهل الرياض كيف ههههههه الكادي : الله يعافيك كل عام وانتم بخير راقــي : أحلىىىىىىى ياالستايل يعطيك العافية ياالكادي .. بصراحة ستايل ولاأروع ولاأحلى ولاأجمل إضافة إهداء - تعديل اهداء

26-08-2009, 10:04 PM

الكادي

المراقب العام

.. تفاصيلي 5 ..

.
.

السلامـ عليكمـ و رحمهـ الله و بركاتهـ

رمضان يوم بيوم

اضغطوا على الصوره و تكبر

..

:6:[/left]

26-08-2009, 10:06 PM

الكادي

المراقب العام

.
.

السلام عليكم ورحمة الله وبركاته

في البداية أقول كل عام وانتم بخير والله يتقبل منا ومنكم الصيام

والقيام وصالح الأعمال ... وأحب أشكر من صميم قلبي القائمين على

هذا المنتدى من إدارة ومراقبين ومشرفين وأعضاء لكل ماقاموا به

من جهود عظيمة فجزاكم الله كل خير وأدخلكم الله فسيح جناته ..

بصراحه إحترت في إختيار يوم أكتب عنه تفاصيلي ..

ولكن سأكتب عن ذالك اليوم الذي تزوج فيه صديقي وأخي

ابوراشد خالد الكثيري سأبدأ من الصباح في يوم الأربعاء من شهر

شوال للعام الماضي 1429هـ ..

صحيت من النوم الساعه 6 صباحآ متوجهآ للمدرسة وكنت نايم في

الإستراحة أنا وفايز وفي تلك الفترة كنت أدرًس في مدرسة قريبه من

إستراحتنا وكنت أدرًس ثالث ثانوي شرعي وطبيعي وكنت مرتاح في

وظيفتي لأني كنت أتعامل مع طلاب أعتبرهم رجال من خلال إحترامهم

للمعلمين وإهتمامهم بدراستهم .. المهم في ذالك اليوم تهورت ولعبت

كورة مع الطلاب في الفسحة أنا واثنين من المعلمين وأثناء اللعب

تحمست وشت كورة من نصف الملعب بكل قوتي وسجلت هدف بس

مو في المرمى , في اللنبه الي فوق المرمى وإنكسرت وتقامزوا

الي كانوا يفطرون تحت اللنبه ومن وقتها صرت مشهور في

المدرسة بسبب هذي اللنبه ..

وأنا أختلف مع بعض الأشخاص الذين يقولون أن اللعب مع الطلاب

يُفقد المعلم هيبته أمام الطالب .. من وجهة نظري أنه إسلوب من

أساليب كسب ومحبة الطالب للمعلم بشرط أن تكون في حدود وضوابط معينه ..

المهم إنتهاء الدوام ورحت للإستراحة وتغديت وكلمت فايز وقلت له

أنا بنام وصحني الساعه 5 العصر علشان المغرب بيجتمعون الشباب

وبنسافر علشان نحضر زواج خالد ..

جاء فايز من الدوام وكعادته بدأ يستخف دمه وأنا نايم أول شي سواه

فتح باب الغرفة بقوه أتوقع إنه فاتح الباب برجله ويقول بصوت عالي

فيصل فيصل فيصل فيصل طبعآ أنا رديت عليه وأنا مرتاع قال فيصل

نايم ؟ أنا قلت لا قاعد أقرء جريده وقلت اللهم أخزيك ياشوشو وحطيت

راسي وكملت نومي بعدها بنصف ساعه دخل علي الغرفة وبدت حركات

خفت الدم وأنا مطنش أبغاه يروح ويخلني أكمل نومي أثاريه مصمم إنه

ينرفزني ويرفع ضغطي وطلع الجوال وجلس يكلم ياسر ويرفع صوته

بحركات مقصوده أنا وقتها راح الحلم وراح البرود وطنقرت طنقره

ماقد طنقرتها في حياتي وأقوم من الفراش وأصفق بالباب صفقه لدرجة

إن ياسر سمعها وهو في الخرج وفايز يكلمني وانا مطنشه ماأرد عليه

وأطلع أبغا أشغل سيارتي إلا المفتاح ناسيه في الغرفه من الزعل وأرجع

أخذ المفتاح وأطلع و أكتشف إني ناسي نظارتي وأرجع ثانية وفايز

فاطس من الضحك علي وأخذ نظارتي وطلعت من الإستراحه وأنا

معصب وإكتشفت إني ناسي الجوال في الإستراحة طفشت وقلت في

ستين داهية مهوب لازم جوال وأنا في الأساس مدري وين بروح

المهم قلت خلني أروح البيت الين تهدأ أعصابي وبعدين أرجع للإستراحة

المهم الشباب تجمعوا المغرب في الإستراحة عشان نحضر زواج خالد

طبعآ فايز قال للشباب إني مطنقر وزعلان المهم جيت المغرب

للإستراحة والعيال بدوا يستخفون دمهم وفايز يدافع عني ويبغا

يراضيني وتلزم فيني إني أركب معه في سيارته المهم ركبت أنا وياسر

وابوحسين مع فايز ومشعل وسعد وعبدالملك ركبو مع ابوحديد وانطلقنا

وانا في الطريق بدا ياسر كعادته بالسماجه وأنا مبسوط على سماجته

بس إذا تكلم فايز أحاول أمسك الضحكه وأطنش اللين معاد قدرت

الله يرجه هالدب يعرف وشلون يضحكني المهم رضيت ...

وبعدها وصلنا لمسكه أستقبلنا ابوراشد وابومشعل وقاموا بالواجب

وزيادة وبعدها رحنا نبغا نريح من السفر إلا كحيلان مجهز هذيك

الشقه الي تشرح الصدر وقبل ننام جت للشباب حاله تقولون محششين

ياسر وفايز وعبدالملك وضحكنا ضحك سنه في ذا الليلة ونمنا قبل الفجر

وصحينا الظهر وبعضنا الصباح وحظرنا في الليل زواج ابوراشد

وباركنا له وبعد العشاء كان فيه أمسيه شعرية شارك فيها شاعرنا المبدع

والجزل فايز بن حمود والشاعر العذب والمتألق ياسر الصيعري والشاعر

المهايطي محمد بن حسين وفيه شاعر رابع مدري وش اسمه بس انه

شايب وخبل ويسمع بالحداثة الشعرية وبعد الأمسية الشعرية رجعنا

للرياض ,, ووبس تعبت وآسف للإطالة ..

:6:[/left]

26-08-2009, 10:06 PM

الكادي

المراقب العام

.
.

فــاصل

اترك المساحه لكم

..

:6:[/left]

26-08-2009, 11:18 PM

راقــي

حــــر .. بلا قيـــــــود

هههههههههههههههههههههههههههههههههههه

لاتعليق

بس فيه حاجة نسيتها

شرّابك ذاك اليوم وش فيه ؟

لاهنت .. وقسم بالله انك ذكرتني بيوم من أحلى الأيام عندي

الله يوفق خالد وين مالقى وجهه

..

27-08-2009, 01:07 AM

ندى الورد

"قَليلٌ مِنْ آلجُنون"

ههههههههههههههههههههههههههههههههههههههههههههههه

الله يسعد قلبك والله اني ضحكت لين اللي عندي يحسبوني انهبلت

اولا:انت ليه طنقرت عليهم مو انت قلت لمديروو قومني وهو صحااك

ثانيا الله يوفق خالد ويهنيه وعقبالكم ياارب

يووم ممتع جدا ومافي احسن من هاللمه الحلوه

الله يعطيك العافيه ..والشكر موصول لكدو فديتهاا

لٱ ٱريد ٱن ٱڳون متشٱئمہ لِـ هذٱ ٱلحد
ۈ لڳن مٱ ٱرٱھٌ حوّلي

( ٱفقدني ٱلٺفٱؤل )

يٱ ربّ

:

ٱٺعبُوۈني عبٱدڳ فَـ ٱشغلہُم عنـّي

27-08-2009, 01:52 AM

سحابة [ح]ــب

عضو مجتهد

الغايب الحاضر

جعل افراحكم وايامكم تدوم ان شاء الله

,

أنا على يقين تـــام بأني لن أُهْزَم ..

مادام سلاحي هو

..[عقيدتي وديني وإيماني بالله]..

..

27-08-2009, 04:03 AM

أديب

مـلـــ خاطرـــــــيــون

ههههههههههههههههههه

الغايب الله يرجك

بس والله هذاك اليوم من أحلى الأيام

ذكريات حلوة وجمعه أحلى

يعطيك العافية على اليوم الممتع

saad9393@hotmail.com

27-08-2009, 10:32 PM

الغايب الحاضر

ولــو بعـــــــــد حيــــــــــــن

اقتباس:

شرّابك ذاك اليوم وش فيه ؟

مافيه شي صح إنه خفيف بس ياسر الله يهديه سامج

لبى قلبك ع المرور تسسسسسسسسسسلم يابعدي

تسلم الأيادي الكادي

27-08-2009, 10:42 PM

الغايب الحاضر

ولــو بعـــــــــد حيــــــــــــن

اهلين ندوووووش

اقتباس:

انت ليه طنقرت عليهم مو انت قلت لمديروو قومني وهو صحااك

أنا قلت له يصحيني الساعه 5 العصر مهوب الساعه 3

بعدين هاك اليوم مسوي مجهود خرافي وأبغا أنام لاتنسين فيه لنبات تكسرت وبلاوي صارت

اقتباس:

ثانيا الله يوفق خالد ويهنيه وعقبالكم ياارب

آميــــــــن يارب ويرزقه الذريه الصالحه أما عقبالكم هذي حطي تحتها مليووون خط

وبعدين لاتتفاولين علينا

تشششششششششششكرااااات ع المرور العطر ويسسسسسسسسسلم قلبك

لاهنتي ندووووش

تسلم الأيادي الكادي

28-08-2009, 01:17 AM

#10

$همس$

َ~على رآسهآ ريشـــــــه~َ

مبروك عليك الشهر اخوي الغااايب

وأنا أختلف مع بعض الأشخاص الذين يقولون أن اللعب مع الطلاب

يُفقد المعلم هيبته أمام الطالب .. من وجهة نظري أنه إسلوب من

اقتباس:

أساليب كسب ومحبة الطالب للمعلم بشرط أن تكون في حدود وضوابط معينه ..

اعجبني تعليقك اخوي هنا ,,,, وهو اسلوب من اساليب التربيه قبل ان يكون تعليم ,,,,, وصدقني راااح تلقى مفعول هالمعامله ولو بعد حيــــــــــن

اقتباس:

بدأ يستخف دمه وأنا نايم أول شي سواه

فتح باب الغرفة بقوه أتوقع إنه فاتح الباب برجله ويقول بصوت عالي

فيصل فيصل فيصل فيصل طبعآ أنا رديت عليه وأنا مرتاع قال فيصل

نايم ؟ أنا قلت لا قاعد أقرء جريده

هههههههههههههههههههههه ,,,,,, الله يعينك والله

اجل هو من النوع المزعج

هههههههههههههههههههههههههه

الله يخليكم لبعض ,,,,, ويهنئ اخوي خالد والله يرزقه ويسعده

ومره ثاانيه لا تنام عند راقــــي

يوم ممتع حيـــــــــــــل

شكرا لك

لآ تخليّ | آلطيش أڪبرٍ مبآديڪ ♥

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

فعاليات المنتدى