.. تفاصيلي 6 .. - منتديات أروقه

الإهداءات
رفـيعـة الـشـان : صباحكم ورد كل عاااااام وأنتم بألف خير اليوم أجواء الرياض غييييير تصدقون أول مره نعيد بالرياض& راح أشوف عيدكم يأهل الرياض كيف ههههههه الكادي : الله يعافيك كل عام وانتم بخير راقــي : أحلىىىىىىى ياالستايل يعطيك العافية ياالكادي .. بصراحة ستايل ولاأروع ولاأحلى ولاأجمل إضافة إهداء - تعديل اهداء

28-08-2009, 10:08 PM

الكادي

المراقب العام

.. تفاصيلي 6 ..

.
.

السلامـ عليكمـ و رحمهـ الله و بركاتهـ

رمضان يوم بيوم

اضغطوا على الصوره و تكبر

..

:6:[/left]

28-08-2009, 10:08 PM

الكادي

المراقب العام

[color="dimgray"]

.
.

السلام عليكم ورحمه وبركاته

صباح الخيٍٍِر

مبارك عليكم الشهر وعساكم من عواده>>>تبي العيد يجي بسرعه

تفاصيلي بتكون معكم من الكويت ماطولنا بس صد ورد >>>على كثر روحاتها ماعمرها نامت بالكويت

فكرة سفرة الكويت جت سبرايز كنا قاعدين مع اخوي وقال عندي مشوار للكويت سريع وبرجع من يخاويني ..بما إني بنت بطوطه وماعندي شغل قلت تم انا معك.

يلا نبدأ>>>غمضوا عيونكم وافتحوا اذانيكم>>>جدتكم حبابه على غفله

من شرف علينا رمضان وبرنامج النوم ملخبط جدا صحيت على 12 ودخلت المطبخ وسويت الفطور
وبما ان عندي خبر إن بعد العصر بنمشي سويت اللي اقدر عليه

واخذت معنا قهوه وتمر وطبعا القشطه وسويت خفايف(سمبوسه-فطاير وكذا شغله)عشان نفطر بالطريق

ومشينا الساعه 3 العصر واخذت رفيقة دربي

>>>واجتمعت علينا سفر وصوم وكل واحد صار يدعي إن شاء الله يستجاب الدعاء

وبالطريق سوالف وضحك ومره نشغل الدي في دي اللي بالسياره

الين وصلنا الخفجي عالساعه 6 وطلعنا للكويت على طول مافرينا بالديره

>>>ماراح اصور لكم الخفجي إلى ماتطور وتصير منطقه سياحيه درجه أولى

والحمدالله وصلنا الكويت على 7 ونص ومن حسن الحظ ان الجمرك كان فااااااااااااااااااااضي مرره مافيه الا سيارتنا
>>>كانهم يقولون وش المهبل اللي بعد ماخلصوا فطور نقزوا للكويت

هواش وانا واللي عندي ابي اصور الجمرك بس اللي عندي نشب لي يقول ممنوع تصوير الدوائر الامنيه
>>>هو صدق ممنوع ولا بيخوفني؟

طلعنا من الجمرك سيييده الى الصراف نبي نصرف كويتي>>وحده مو مقتنعه الا بالريال السعودي

ومن بعدها طلعنا للمنشر مول >>اللي يعرف الظهران مول تراا شبيه له

المجمع مرررره رايق وديكووره مرره متعووووووب عليه بس الله يقطع العدو اغلبيته شباب ماقدرت أخذ راحتي بالتصوير

>>>>انا بعرف وش جايبهم مجمع يعني حق عوائل

عشان كذا ماطولنا فيه وحنا ندور مخرج عشان نطلع لسيارتنا لقينا باب صغير واقف عنده سكيورتي سألنا هالباب يودي للباركنج قال يسس
وطلعنا وياشينها من طلعه

لقينا ممر مظلم وشكله والله اعلم انه مكب نفايات (اعزكم الله)

>>>> وهقنا هالسكيورتي اخرتها كاشخين وبرستيج ومكب نفايات والله حظ ردي

وكملنا الين وصلنا سيارتنا وطلعنا منها الى ماوصلنا الكويت ماجيك(مجمع)ولفينا فيه وتقضيت للعيد

>>>وحده مستانسه انها خلصت ثياب العيد>>>يارب يجي بكره

ولانه مو كبير مره طلعنا

ومن بعدها نبي الافينيوز(مول له شهرته بالكويت قريب فاتح)
بس ضيعنا الطريق واللي عندي بس يردد يالليل ماطولك ونا عاجبني الوضع ومانتبهنا الا وحنا داخل الفروانيه

وبعد اللف والدوران لقينا شارع الافينيوز

بس وحنا بالطريق لف نظرنا مجمع شكله جديد بس صراااحه يجننننننن

>>>>حطت ببالها اذا رجعت الكويت مره ثانيه تمره

ماعلينا ..دخلنا المجمع ولقيناه بيسكر>>>جايينيه متاخر يعني تبونه مفتوح

واتجهنا للمطاعم دايركت اللي عند السينما

وكل ماجينا عن مطعم ليقناه بيسكر >>>طبعا الساعه 12 وللحين ماكلنا شي

قلنا العوض ولا القطيعه ودخلنا كوفي (ستار بكس)وقعدنا وتقهوينا نص ساعه تقريبا

المهم طلعنا واتجهنا للجمعيه>>>طبعا مستحيل مستحيل نمر الكويت مانجي جمعيتهم تقول عاملين لنا عمل مع ان المخازن الكبرى اطلق منها

بس لقيناهم مكشخينها وملبسينها فسطان جديد تغيرت مره عن الاوليه

وفرينا فيها واخذنا كم شغله ع السريع لانا تاخرنا

وهذي من المونه اللي شريناهم

وطلعنا للجماارك

طبعا وحده ذبحها السوق والتمشي وماتعشت ومتنحه بفعل الجوع

نزلت ماسكه جوازي ورحت اطبق وللمره الثانيه انحرررج قدام اللي تطبق واحذ جوااز اخوي

>>>والله فشله حسيت اني مفهيه مرررره

المشكله لما جينا عند الرجال اللي يختم الجوااز قال هالبنت اللي هي انا هموس جوازها
مو مختوم حق الدخول يعني بالعربي انا ماني موجوده شلون دخلت ديرتهم

وقالوا لاخوي صفط على جنب

<<<<<التفت علي قال انا وين الله قردني واخذتك كلك مشاكل

المهم بعد سين وجيم اكتشفوا ان اللي خاتم جوازي ونا داخله ماسجله بالكمبيووتر

>>>>من حظي ماطحت الا بهالشرطي

طبعاااااااااااا نبي نتسحر لانه مابقى شي عالآذان الساعه الحين 3 وعليها

وعلى دخلتنا الخفجي تسحرنا فيها من مطعم ديرتي اللي عندهم
وسكنا بفندق عندهم اسمه على ماأظن (الفانترس) عشان نريح ونام

لاحظة شي بديرتهم عندهم رطوووووووووووووووبه قويه وجوهم متعب مره<<<<<عدال اللي جوهم حلو

<<<<طبعا مابغينا انا ننام بس لما شفت اخوي فيه النوم قلت خل نستاجر ونرتاح

صلينا ونمنا الى 4 وركبنا سيارتنا ورجعنا ووصلنا الساعه 7 لبيتنا

الرحله حلووه حييل انبسطنا فيها وغيرنا جو..

وسوري تمنيت اصور كل شي بس الجو مرطب وماقدرت اصور بوضوح

وبث

:6:[/left]

[/COLOR]

التعديل الأخير تم بواسطة الكادي ; 28-08-2009 الساعة 11:40 PM

28-08-2009, 10:09 PM

الكادي

المراقب العام

[color="dimgray"]

.
.

فــاصل

اترك المساحه لكم

..

:6:[/left]

[/COLOR]

29-08-2009, 12:22 AM

$همس$

َ~على رآسهآ ريشـــــــه~َ

ياحلو هالايااام

حبيت اوضح ,,,, هاي صوره الجميعه غقب الفسطان الجديد

ما ادري من مطيرها فوق اعلى الموضوع ,,,,, بس اكيد عوااااامل التعريه

لآ تخليّ | آلطيش أڪبرٍ مبآديڪ ♥

29-08-2009, 12:27 AM

الكادي

المراقب العام

ترى انا نزلت الموضوع بالترتيب اللي جاني

كوبي بيست .. فقط نسقته

29-08-2009, 01:43 AM

$همس$

َ~على رآسهآ ريشـــــــه~َ

عارفه ياغلاااا ,,,, أكيــــــــــــد اللخبطه منــــــــي

يسلمو فديتك على المجهود الرااااائع والمستمر

هاي هديه مني على المجهود

لآ تخليّ | آلطيش أڪبرٍ مبآديڪ ♥

29-08-2009, 02:52 AM

[ تعجّب !]

.. جســد بــلا رُوح !! ..

هموسه

ما شاء الله عليك مسافره برمضان
انا لو اقول لهم بنسافر برمضان يطيروني ويعطوني محاضره

وبعدين اخوك صادق ممنوع التصوير في الأماكن الأمنيه ولو صورتي وشافوك رحتي في سين جيم

واهم شي كوستا كوفي

ما شاء الله خلصتي للعيد

.. عاد تصدقين اروح للسوق اشتري للكليه وانسى العيد

.. بس ان شاء الله ما يجي يوم 15 إلا وانا مخلصه

اقتباس:

نزلت ماسكه جوازي ورحت اطبق وللمره الثانيه انحرررج قدام اللي تطبق واحذ جوااز اخوي

ويوم سعيد وحلو .. والله يخلي لك اخوك يا عسوله

[ قال أبو سليمان الداراني ]
"طوبى لمن صحت له خطوة واحدة، لا يريد بها إلا الله تعالى"

29-08-2009, 03:44 AM

حنين الذكرى

عضو ماسي

هلابك همـــــــــــوس..

رحله حلوه علىانها برمضان,,,بس برايفت عليك...فيك طاقه..

عاد انا ماحب الكويت مدري ليه..احس اذا تجاوزت حدود السعوديه..بموت..

وبذات الكويت ..شعور غريب انك في عالم اخر..

وماشالله عليك اما معطيتهم جواز اخوك...شكلك بديتي تفصلين...

لواني بالجمارك كانت عاقبتك.....وحدها محترمه..مطبقه للنظام..

على العموم الله يسعدك يارب

29-08-2009, 04:04 AM

راقــي

حــــر .. بلا قيـــــــود

اهلين وسهلين

الكويت تصير حلوة بالشلة اللي معك .. وصير طفش برضه بالشلة اللي معك

يعني أهم شي فيها الشلة

بس للمعلومية .. التصوير ممنوع وبالذات في الجمرك .. يعني تقدرين تصورين المنطقة الحدودية على كيفك .. بس أي منشأ جمركي أو أمني ممنوع

مجمع الفحيحيل هذا ؟ <---- له ذكرى بايخة فيه

لاهنتي

29-08-2009, 04:31 AM

#10

سحابة [ح]ــب

عضو مجتهد

همس

الحمد لله على السلامه

والكويت حلوه وتستاهل من يروح لها لو ساعه

يوم حلو ماشاء الله عليك

,

أنا على يقين تـــام بأني لن أُهْزَم ..

مادام سلاحي هو

..[عقيدتي وديني وإيماني بالله]..

..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

فعاليات المنتدى